لسان حال زین العابدین ع
(وزن الموشح) ( 37 بيت )
-----------------
جیت اشییع جسم ابوی البالفله
ضل ثلث تیام محد غسله
_____________
ضل ثلث تیام مرمي اعله الترب
داسته اخیول ال امیه بالحرب
و زینب اخته اتروح ميسورت غرب
یا شرع یا دین چتله امحلله
*✍🏻حسین النصاری*
يا شرع یا ديـن يقبــل بالجره
صدر ابوي اضلوع منـه امكسره
عمتي ويا اعداه تمشي اميسره
الی چانت یم اخوها امدلله
*✍🏻ام حيدر النصاري الكعبي*
_______________
ذبحو الدين ابذبحهم للحسين
نكرو الله و نهج سيد المرسلين
صاح هل من ناصرٍ هل من معين
غير بس سبعين محد لبه اله
*✍🏻دکتور رحیم الساری*
______________
شیعیته و دمعي يحرگ بالجفن
صدره قرآن ابحوافر منطحن
ابليه راس شلون ميت يندفن
آه يا عملة يزيد ابكربله
*🖋️رافد النجار*
_______________
ابيا شريعه و دين ينهان الرسول يذبحون اوليده و اتنوح البتول راسه فوگ ارماح معروف الاصول
تسری بی لظعون ما بين المله
*✍🏻ام عباس*
________________
گعد يمه او گام ینحب بالانين
صاح دنیانه صفت کلها ونین
بویه صرنه ایتام بعدک یا حسین
اشلون واحدنه یرد المنزله
________________
ضل ثلث تیام مرمی بالشمس
ابحومه التربان نايم من امس
اموذر الاوصال مكطوع النفس
ليش ما حضرو دفنته کل هله
*✍🏻ام زهراء الفاطميه*
________________
جيت و المدمع اله دم ينهمل
بس جسد مشمور صعبه ينحمل
بالترب مطروح دفنه مو سهل
بيا ذنب مذبوح محد شايله
*✍🏻ام عبدالله السراي*
_______________
ضل ثلث تیام عالغبره ذبیح
و العقیله ابصوت واجدا تصیح
یا شهید الدین یالصدرک جریح
کربله ملیانه الام و بله
*✍🏻ام عماد عساکره*
_______________
حللوا چتلك يبن سید البشر
بیرغ الاسلام عاموده انکسر
ضل اخوک الحید مرمی اعلى النهر
هالمصاب الصار هد العايله
*✍العلويه ام نور الميسانيه*
________________
ضل ثلاث تیام عاری اعله الرمال.
الچان مایتوصف ابکثر الجمال .
شرد اسولف یوم حاطته الرجال
لا معین ایعین بن عقد الوله
*✍🏻محمد أبو یاسین الحایی*
_________________
مثل های امصیبه ماضنهه تصير
احسین لاضل عنداخو ولا ضل نصير
الگوم ذبحو کل هله حتی الصغیر
و الطفل مذبوح من چف حرمله
*✍🏻یاسرالدیراوی*
_________________
لیش ضل ابلا چفن و بلا غسل
بلشمس عاري وعلیه سافي الرمل
جمعیت اوصاله وادموعي تهل
و الله صعبه اعلینه های المشکله
*✍🏻ام قاسم البوغبیش*
________________
هذا ابن فارس مضر حامی الحمه
جده طاها و امه زهرا العالمه
من وگع جبریل كبر بالسمه
اوداعت الله بلعرش صوته اعتله
*✍🏻ام عدنان سياحي*
_________________
یا شریعه و دین قبلت بالجرا
یبگه جسم احسین مرمی بالعرا
عاری عالتربان بن خیرالورا
جثه و ابلا راس تبگه امجندله
*✍🏻الرادودسیدمحمدالجبیلي*
_______________
من وصلت هنآك شاهدته ابالم
عيني دارت صوب صبعه الی انثلم
حایر ابهالیوم شیخط له القلم
ما رعوا احکام الله الجاهله
_________________
اجروح ما تتوصف ابجسمه شفت
گمت اشيل اوصال منه و شاهدت
و الصدر مخسوف من شفته هجت
عالغریب ادموعي ضلت هامله
__________________
بلا غسل شفته صریع و گمت اون
و الله من أذكر دفنته حیل احن
الیوم أبوي ابصدري خلف چم حزن
روحی من اجله حزینه و ناحله
________________
من ارد لرض المدينه اشراح اگول
اشلون صارت دفنتک یبن البتول
عالمصاب الی جره یبچی الرسول
عمتی من اجله حزینه و معوله
*✍🏻آلاء العقابي*
___________________
یا شریعه و دین افتت سلّبوه
منهو گال امن القفا ظامی اذبحوه
الزهرا امه و حیدر الکرار ابوه
بالعرا جبریل ینعی جابله
*✍🏻الشاعر عباس نعیماوی*
_________________
جيت ادفن جسم ابن طه الرسول
ورد اشوف اشسوت ابصدره الخيول
شلون يبقه بل ادفن نسل البتول
وجنته ابدم و تراب امرمله
______________
جيت اشوف اشلون نايم عالثره
اوصال جسمه بالبراری امطشره
هذا ابوالاکبر ابن خیر الوره
فارس الحومه و حلیف المرجله
__________________
ورد اروح النوب صوب المشرعه
ادفن الچفینه منه امگطعه
راح اخبرنه العقيله امروعه
الچانت ابجاله اميره الفاضله
*✍🏻ام رقيه*
________________
لا سدر لا ماي عندي يا حسين
بيش اغسلنک يبواسكینه الحنين
جرح صدرک ذوب الگلبی الحزین
عكب عينك بويه عيشي ما حله
_________________
یبواسکینه شرد اوصف هیبتک
مالت الاکوان کلها ابطیحتک
سهم المثلث مرد نص چبدتك
دگت الدلال هوه الشلله
*✍🏻ام مهدي*
_______________
امگطعین حسین ویلی اعله الثره
اشلون اشیله و های جثه اموذره
وین عنه الیوم غایب حیدره
حلها یم ربنه تصير المسئله
*✍🏻 الشاعره نسیمه مطوری*
__________________
ضل ثلث تیام مرمی اعله الصعید
و زینب اعله التل تنادی یاشهید
اشلون اطب للشام و ابمجلس یزید
و خدري من ايميل يا هو ايعدله
*✍🏻سیدصاحب الخمیسی*
_______________
حاير ابلمك شلم منك ششوف
وأنته جسمك قبله صاير للسيوف
امگطعة اوصالك على اتراب الطفوف
و عالمرمح راسك عله الطاغي عله
*✍🏻حسين التميمي*
________________
یا شرع یا دین حلل یا نظام
هذا ابن فاطم و ابو حیدر امام
اموذّر ومسحوگ یولاد الحرام
ادموم جسمه یا هظیمه اموشله
_______________
لیش صارت هیچ ویه الحید ابوی
وبن عمی القاسم واکبر اخوی
لیش و لکم عممتی بالطف تهوی
و رگبة السجاد كلها امسنسله
________________
لیش عمتی امگیده ابین العده
ولیش راس احسین لطاغی انهده
شنهو ذنب الطفل چالیش انفده
ليش مشوها ابيسر هالغافله
*✍🏻جلیل سیلاوی*
_________________
یا شریعه الحلِّلَت چتله مبــــــاح
گلی یا دین القِبل هذا الصـــراح
بالحشر یالمصطفی کف السمـاح
و الشمر بصعب مواقف عامله
_______________
جیت اشیع حسین مکسور الضلوع
الظل عله التربان مذبوح ویلوع
وینه حیدر خل یجی یهل الدموع
و الجسد یم الحفیره انوصله
_______________
انشیع الضل بالفله فوگ الرمل
امطبر و مذبوح من دمه الغسل
راسه من کل الجسد ضل منفصل
جینه للطف عن ابوی انسایله
*✍المیرزا ام لیلی الخاقانی*
_______________
ضل ثلث تیام جسمه بالعراء
صلت اعليه الملائك بلسماء
چنی واگف بالطفوف اسمع نداء
الدنيه كلها الهالمصيبه اموجله
*✍🏻ام حمزه الكعبيه*
________________
جيت اشيع جسم ابوي المنذبح
جثه منها الراس مشیول ابرمح
اشلون اشيله بكل عضو ميه جرح
داسته خيول اعوجيه امنعله
__________________
شفت جسمه و اللهیب امغيره
يابس المنحر طریح اعلى الثره
والسموم اتهب عليه متوجره
دمعت عيوني على الخد سايله
*✍🏻طالبه الزهرا القریشیه*
_________________
----- تمت و الحمدلله ------
محرم الحرام 1442