اشورن وامشی ابحکمه ورایه 

و افوتن بحر بی کوسج ورایه

اهد عل خصم  ماعاين  ورایه

زلم عندي ابگفای اتموت لیه 

*ك:عباس النعیماوی*
اغرگت ما بین شماتی میتلی

او علیه السانک ابزینه میتلی

احسبنــــی اخو عندی میتلی 

ابحیت الفاتحه او اسأل علیه

*ك:عباس النعیماوی*
انتکاتل  عل  بیارق   ونتعاده

وگلبي اسنین صارت ونته عاده

شیخ  الگوم اعرفك ونتعوده 

فاهم ليش تبنی الطائفیه

*ك:عباس النعيماوي*

حشه كل شيخ طيب
بُعدک علي  یوم ابــسنه  هل مرمر

او ریجی ابغیابک ما حله هل مرمر

دم  و لحم  هاذه  الگلب  هل مرمر

بیدک تکسره و تجرحه و تتعذر

*ك:عباس النعیماوی*
انه اترکت درب العشگ  منشفته

یشمر علي  خنجر  غدر  منشفته

اشگد ما ادقق  بلنظر من شيفته

شیطان اشوفه الکل شکل یتغیر

*ك:عباس النعیماوی*
یدنیا ‌ ابظیم  فوگ  الصدر ربعی

سبب انه الملک و ‌صبحت  ربعی 

طعنو  بعض ضحّو  بعض ربعی
 
اصابع خمسه مو‌ کلهه سویه

*ك:عباس النعیماوی*
احنه   النفت  محد  گدر   فتّانه

او متهمنه  ناس  البلخلگ  فتّانه

شایبنه  بل طگ  و الفزع  فتّانه

اصبح وطگ الخصم بیده وکسر

*ك:عباس النعیماوی*
علي چلچلت غیم اهموم لامات

الدنیه و‌بعض بیه اشکثر لامات

یهل  تنشد  علیه  عدل   لامات

عدل بس حاطن اللچمات بیه

*ك:عباس النعيماوي*
تعال ابحضنی اشمك خمس شمات

یــل  ابـوجهک  تلالــی  ثلث شامات

 احترگو ابــــنارکم کلکم یا  شمات 

اضل اویاه حد یوم المنیه

*ك:عباس النعیماوی*
احطّن مرهم الجرحي بیاداي

انشلّن و المرض ذلني بياداي

عليه   التفت   ياربي  بياداي

من زغري ك جير او لزگ بیه

*ك:عباس النعيماوي*

مرهم  مایصحلك  بعد  ياداي

سقيم و ماتشيل الحمل ياداي

البحلّي  عليه  ایصيّح   ياداي

وامس چنه انتسابگ بل ثنیه

*ك:عباس النعيماوي*
اچفان الوكت  فصّل الي  گامات

وشفت غمان ضدي انوب گامات

الأمس لاذو ابسدي اليوم گامات

اصبحو و ستسبعو كلهم عليه

*ك:عباس النعيماوي*
ابدلیلی اطنان ظیم الدهر مومَن

سبب  شفت  الردی  سمّو مومن

الجهل عند البعض  تلگــا مومن

عدو جانه و حکم وسط الثنیه

*ك:عباس النعیماوی عساکره*
عله جرحي اشماته  ترك  وداچ

ویرجلی وين هاذه الفكر وداچ

يروحی الفکریتي حيل   وداچ

 طلع چذاب ذباچ ابهبیه

*ك:عباس النعيماوي*
یلاهي صبح جرحي  گام الیه

او  بل  ردمات دهري گام الیه

الي   فزعو   الچانو   گوم الیه

ارفعو حملي وخوي الشمت بیه

*ك:عباس النعیماوی*
طريق  العار  و  ل ذلّه  مطربي

وحچيّ البطل عل عایل مطربي

دلیلي اطرور ياصاحب موطربي

امنعدنهن تشگ ثوبك علیه

*ك:عباس النعيماوي*
الوکت ماهشّم  اضلوعي ولارك

بيه  و عزمي  ماخلّص    ولارك

يشامت احچي ماسمعك ولارك

صرت عندي فلا لك قابليه

*ك:عباس النعيماوي*
وحگ  هاونّه و الگمگم  ویلحاي

من اصباي شعري ابیض ویلحاي

ونیني  ایبچّي  الميت   ويلحاي

او سابع جار فز يلطم عليه

*ك:عباس النعيماوي*
طشّرها  الوکت  روحي    فلمهه

الحزن والجرح ظل ینزف فلمهه

ناس   السوده      نيّته    فلمهه

انكشف ودريت تلعب طوطحيه

*ك:عباس النعيماوي*
شي  تكنح  ببوها   شي بیدهه

و شي ذلهه عدوها شي بیدهه

ناس  الما اشوفن  شي بيدهه

تلبگ چذب ما داست ثنيه

*ك:عباس النعيماوي*
ابنار الوکت دمعي ایفور یگلوب

سبب  شفته  مثل ثعبان یگلوب

قریت الفاتحه لل عشگ یگلوب

بعد ماضل وفه ابهای الدنیه

*ك:عباس النعیماوی*
غیر الحگ  ياصاحب  ماعملنه

او جگارت فتن بلحي ماعملنه 

یهل  تنشد   علينه     ماعملنه

عطاله اب ارض مسلوبا الهويه

*ك:عباس النعيماوي*
اشیلزمه اطیر من ایدک لونطار

و گلبک یاهو الـی طیبه لونطار

اذا لحظــــه علیک الشر لونطار

ابتعد و اطربله  گالوها البریه

*ك:عباس النعیماوی*
السهم  دنیای  هل  چفی فکلهه

زیجی  و چیّت  ابروحی فکلهه

انگطع شم الهوا و شدت فکلهه

 اترید البعض کتلی ابکل مسیه

*ك:عباس النعیماوی عساکره*
ابلهیب الفرگه متشلوط ویاکم

دلیلی ‌و یحب  گعدتکم  ویاکم

ویاکم هل الــــعمر یحله ویاکم

و عگبکم مر یمر یومی علیه

*ك:عباس النعیماوی*
السلف هم خییر و فاسد یصحبی

و مؤذّن  چذب  هم  تلگا یصحبی

انصحک  للــمجد اسعا  یصحبی

و خل اچفوفک اتلاوی المنیه

*ك:عباس النعیماوی*
علالي او علل الهابط ماعلينه

او بل يحچي ابگفانه ماعلینه

يهل    تنشد  علينه   ماعلي نه

علي البچّه هلك بل موزمیه

*ك:عباس النعيماوي*
ابعسر کاربت دهري ماهواني

الهوا  للذل  عدوي   ماهواني

مالوم   الکرهني     ماهواني

لئن احچي العلي ولمو علیه

*ك:عباس النعيماوي*
شجاها الروح  ماتسکن شبیهه

وحس الظیم من داخل شبّیهه

توم  اویل  فگر حضي شبیهه

أمد ايمين عسمه ايرد اليه

*ك:عباس النعيماوي*
الدنيا   اسنیّن‌   مامرني  شملهه

و روحي الظيم عت بيهه شملهه

يلاهي  البعض   متغيره  شملهه 

الحمد لله اليسر فك باب اليه

*ك:عباس النعيماوي*
الدنیا  امنل زغر  بل هَم  لمتنای

وکضنی امنل جدم ویعیّ لمتنای

علیش  ابطیحتی یا  خل لمتنای

و انه الضنیت تفزع عون لیّه

*ك:عباس النعیماوی*
یلاهي  ایامي  صارت  حیل  مرّه

 او يشوف الگلب یمته الفرح مرّه

شبه   ناگت  محمّد    علي    مرّه

اليسر و العسر خل ايفك اديه

*ك:عباس النعيماوي*
الدهر  یصطر يخل ایمین  ویسار

او یفرح الگلب ماظن بعد  ویسار

عکس یمشي لجاجه اویاي ویسار

و بحزن و بظیم لازگ لزگ بیه

*ك:عباس النعيماوي*
لیالي   اجفاك   رکّنّي   وهدمن

حيلي و اكض ياشامت وهدمن

انه  ياجرح  اخيطنّه    وهدمن

شبه درگت نحل هاظن علیه

*ك:عباس النعيماوي*
بعد شیفید کل عتبي ولوماي

ناري  ابفرح  ماتطفا  ولاماي

لاخلل  درا   ابعلتي  ولامي

و لاتفرج وگول اتهون هیه

*ك:عباس النعيماوي*
الوکت طگنی عله اعیونی هوانی

او  ربعی ابعسر شو محد  هوانی

هوه الــصوچ  مـــو منهم  هوانی

غشیم او گلت ایصیرولی تچیه

*ك:عباس النعیماوی*
سقیم او حیل ماضل لي  هواني

وکثرظیمي ابوحل وفگي هواني

یلاهي  لیش  من  زغري  هواني

الحزن مالگا غیري او لزگ بیه

*ك:عباس النعيماوي*
ابجفه  الخلان  نار الگلب ورثت

او عگبهم بس حزن دنیاي ورثت

روحي اخلافهم بس نوح ورثت

الفرح من ارحلو مامر علیه

*ك:عباس النعيماوي*
وحگ  الماهتك  واحد   شرفها

مخزنه  اجروح  دلالي   شرفها

ناس النامت اعله اذل   شرفها

شواربهه او تحس بل صار بيه

*ك:عباس النعيماوي*
سچاچین  الغدر  بچلای   حطّن

جرح وذياب هاذه الوكت حاطن

الحسبته احزام بل شدات حطّن

مئاسي بل گلب وشتمت بیه

*ك:عباس النعيماوي*
يادنيا  صرخي  ابحگّي  وشهدي

انغزيت او فرهدو سلتي وشهدي

العبيط  الغافل  او نايم  وشهدي

الرذاله اويا تاكل كل مسيه

*ك:عباس النعيماوي*
مومرّه صطرني الوكت مرّات

و شكثر مرّن عليه ايام مرّات

ماتدري اليالي اشلون  مارّات

علي چا شگگت هدمك علیه

*ك:عباس النعيماوي*
مصایب  دهري سلنّي  ورکّن

ظهري وصبّن اعيوني  وركّن

الأمس جدام مايمشي وركّن

صبح بقرانه يتمريل عليه

*ك:عباس النعيماوي*
عمداً  ليش   ياولفي   تركبي

دليلي ومن زغر ساكن تركبي

لون تدري البُعد شنهي تركبي

اعتقد چا شگگت ثوبك عليه

*ك:عباس النعيماوي*
كافي امنل زعل  ياصاح  بسعود

عليه وشوف حالي صرت بسعود

ولك طوّل اغيابك دحن  بس عاد

ترا افراگك شتل نيشان بيه

*ك:عباس النعيماوي*
من انذال  انشتمنه   ونسبینه

او بعد ماتلگه یاخي ونسبینه

انکتلنه احنه اعله حگنه ونسبینه

سهله الوطن محتاج الضحیه

*ك:عباس النعيماوي*
الیدور  الخیر خیر احنه  نبیله

او فطینه ارواحنه ياخي نبیله

ناس  الصارت   ابحينه   نبيله*

يطگهم لاگ ریت المغربیه

*نتنه

*ك:عباس النعيماوي*
يخي عگلك ابعلم الاهل سَبحه

صبور او ربّك ابكل يوم سبحه

ابچفّك موشرط تنشاف سبحه

عدل تمشي المهم موطوطحيه

*ك:عباس النعيماوي*
اعضامي ارتخن من اظيم وخوان

وشفت شمات ضحكو علي وخ وان

ك حال  المابگتله  انصار   وخوان

اوگعت و سهامهم نزلن علیه

*ك:عباس النعيماوي*
علي  ترمي  يلاهي  ليش  بسهام
 
الدنيه ومنهه گلبي انترس بسهام

العلي   بارد  تريد  اتبيع    بسهم

گول ابلافعل مایسد فیه

*ك:عباس النعيماوي*
من اهموم الوکت گلبي تراذاب

وچثیره اشواك جدامي تراذاب

الأمنته و ضاگ ملحاتي تراذیب

طلع و مکشّر انیابه علیه

*ك:عباس النعيماوي*
*الامام علی {ع} یقول*

*اللهم اکفني شر اصدقائي*
*أما اعدائي فأنا كفيلٌ بهم*

شر بعض الربع   زيحا كفنّه

یلاهي ابردي لاينجس كفنّه

عدونه ابحقد لو  زهّب كفنّه

عدو انعرفه مهو ابن الثنيه 

*يجل القاري*

*ك:عباس النعيماوي*
الموگد ل حچي   یگمز  وجانب

ابرديه وكض ظهر باطل وجانب

لون ضحكو  عليه  ربعا  وجانب

حگّه الردي يستاهل رديه

*ك:عباس النعيماوي*
ابچذب لو جفن یاصاحب کتلنه

نعرفه  و ندري  كل  هَمّه كتلنه

ابد    ماتلگه   بل دنیه    کتلنه

نون ابّيده لو نسمع بوذيه

*ك:عباس النعيماوي*
حچي  الماخوذ خیره  لاتطربي

 او جنح لو صار عندك لاتطربي

زور  المنته  گدّه         لاتطربي

ضحیه اصیر لذیاب الوطیه

*ك:عباس النعيماوي*
احتفظ عیب البخلك لاتبینه

او منل کهکهه گلهم  لاتبینه

ناس    الماتبينه      لاتبينه

اخافن ینگطع کارون میه

*ك:عباس النعيماوي*
لو تدری الجفن بجفاک  شده

دمه ومرن علی ساعات شده

الجرح خزّن بعد شیفید شده

ترد لو ماترد نفس القضیه

*ك:عباس النعيماوي*
علیه اهمومي نص اللیل هاجن

و گولن ها  مشن  ليام   هاجن

من فعل الوکت حسيت هاجن

العگل وسریت مدری الیانویه

*ك:عباس النعيماوي*
دوا  العلتي بعد مایصح  وعلاج

وضدي الدهر شال اعلام وعلاج

اذا قصده لجاجه ایسیر وعلاج

اموت او ما اطخ روحي أبيه

*ك:عباس النعيماوي*
علیه   لیش   متغیره  ربعلاي

او  لاي  البیهم ایعادل ربعلاي

ابگاعي و ماصفا حتي ربعلاي

سبب غمّان باعوها الثنيه

*ك:عباس النعيماوي*
هم بیچ اعله ظیم العشگ یولا

یروحی ولعب بیه الشیب یولا

الیطیح ابفکر شفت الربع یولا

و انه یوم اصفنت داسو علیه

*ك:عباس النعيماوي*
اذا  قصدك  تبز  يانذل  خوباز

بوم انته وانه المعروف خوباز

ولك منته كفو  لاتصير خوباز

تحرگ نفسك ادری ابلاوعیه

*ك:عباس النعيماوي*
عبد  لاتصیر حر مخلوق   یاصاح

او لتصدگ شخص چذّاب یاصاح

طفل و يحل مشاكل ترا   ياصاح

و اكو غمّان خبصوها الثنيه

*ك:عباس النعيماوي*
ماطخّن  انه الخصمي ولامد

چف  و بجزر  ماهمّن  ولامد

المراجل موشكل هيه ولامود

اليدگ عل صدر یوگف للمنیه

*ك:عباس النعيماوي*
الهوا   لوچان  بي ذله   متهوا

روحي ويم خصم ابدا ً متهوا

تراهو السامني و حرّج متهوا

ابعیني او ماحیه حد المنیه

*ك:عباس النعيماوي*
قطار  العمر  یمشي  مایتاني

سقيم او اسف حدّك مايتاني

انه  اوّل  او  تالي  میت اني

اعذرني لون اقصور بيه

*ك:عباس النعيماوي*
يصاحب هاك اخذ مرسال طرشه

ابسلف  ماتنوجد بي ذان  طرشه

گلب  واحد  لون  انصیر  طرشه

تهد اجبال فزعتنه سویه

*ك:عباس النعيماوي*
الدهرحطني ابرحت عوزه وفتني

و سبگني  الچنت اناغيله  وفتني

یصاحب  غبر    لتماشي   وفتني 
 
تصير ازغير مالك قابليه

*ك:عباس النعيماوي*
قبلت امشي ابدرب عاگول بسلاح

علیه  و  نیته  کتلي  ابلیل  بسلاح

خطاني  الماعرفني  الظهر  بس لاح 

عضيده وهدم بیته او بیت ابیه

*ك:عباس النعيماوي*
الوكت يحوي مصايب علي ويذب

او منّه الگلب ضل  ایفور  ویذوب

لون الشات عاش اببيت وي ذيب

آنه اويه الوكت نرهم سويه

*ك:عباس النعيماوي*
ابچف حزنه  الدهر  عیني  سفاها

و روحي ابظيم  ياصاحب سفاها

الخبيث   ايّامه   خلّصها   سفاها

وانه امن اضحك یعیل اشيب بیه

*ك:عباس النعيماوي*
واعي و مييز  الچلمات عگلي

او من راسي ابد ماطاح عگلي

بعدهه  تروي  العطشان عگلي

و نخلتی خیر تنفض للبریه 

*ك:عباس النعيماوي*
الجاهل  بل  وحل خيله  عگلهه
 
ومن فعله البعض فگدت عگلهه

ياهو الگال هلي  نشفت عگلهه

بعدهه ابخير هل تروي البريه

*ك:عباس النعيماوي*
علیه البعض لیش ابحقد یدعون

و آنه الهُم چنت بل عسر یدعُون
 
يلاهي ابخيرهم ماشفت يدعون

ابضنكهم بس شفت دارو عليه

*ك:عباس النعيماوي*
ابعینك  لا  تظن  لحظه  تراني

جفیت  او عیب اعودلّك تراني

الي امسلّي الگلب بعدك  تراناي

و طور ادریس رد النفس لیه

*ك:عباس النعیماوی*
منو مثلي تعب من طحت بلهَم

گمت بسنونی الوچن صبر بلهم

عد عیناك  ترا  اصاحولي  بل هُم 

گبل اعدای شکّو رمح بیه

*ك:عباس النعيماوي*
ابـ آه  او  ألم  بت گلبی شلیته

وجدمی اسنین یم بابك شلیته

حگك  لو  علي خشمك  شلیته

منی العیب فضلتك علیه

*ك:عباس النعیماوی*
خلص عمری وگرب یاناس وانه

 و حس الگلب  زاید  حیل وانه

البــ حللی  ایتعده  ارکاض وانه

اعله عکازه و یگود الموت بیه

*ك:عباس النعیماوی*
ك  صوف  ابشوک دنیاتي لفتني

المصایب  کثره من عدهه لفتني

 الشدهني الحيّر افكاري او لفتني

اعمل زین شر ینگلب لیّه

*ك:عباس النعیماوی*
ابجفاك  الگلب یا ولفی تراسل

و علیك الجفن  ما بطل تراسل

ابتوالی  اللیل اشوفنك تراسل

وعلي مگلوب طنطل شلقضیه

*ك:عباس النعیماوي*
یناهی الدبس ینگط  من وریدک

و مــن الـلّه طلبتــک من وریدک

تدری اشصــار بیـــه  من وریدک

 حـته الطفل هــز ایده علیه

*ك:عباس النعیماوی*
حچیك رمح یطلع من وریدك

تعال الموت اریدك من وریدك 

بقـت بس الشماته من وریدك 

  رایــح جــای یشمتون بیه

*ك:عباس النعیماوی*
هلی کل یوم ازورنهم ومرهم

و ضوگن هیل گهوتهم ومرهم

شفه الکل دای مرهمهم وامرهم

  علی گد ما صعب یسهل علیه

*ك:عباس النعیماوی*
اطگ بابك ورد و رجع   هلهنا

 اصیحن و الجفن هدل هلهنا

امس  چانو  اظن خلی هله هنا

ارحلو و الحزن ذب شبچه علیه

*ك:عباس النعیماوی*
لجلک  اوگف  ابحیهم  وداعی

او ماعوفک لون یوصل وداعی

ابتوالی الّیل راح اصرخ وداعی

عله کلمن خذاک او شل ادیه

*ك:عباس النعیماوی*
فقط مو ترشد الجاهل بهاطب

الثنیه و ذوگ  گهوتهه بهاطب

 وسیع  الفتگ خیطته بهاطاب

الکباره وشدت احمول الرخیه

*ك:عباس النعیماوی*
روحي اشبعت من وكتي يخل هَم

او من کثر السهر فکري یخل هام

ليالي المضت و سنيني يخل هم

ترد و الفات هم يرجع عليه

*ك:عباس النعيماوي*
یخي  شط  المئاسي گوم  عبرا 

و من هاذه الزمان اکتسب عبرا

ابوجهك  يم خصم  لاتبن عبرا

او نقطة ضعف لاتنطي البريه

*ك:عباس النعيماوي*
مشیی اخلاف عينك يخل تمساح

وعلیك الجفن شبه الغیث تمساح

انه  اعرفت  دمعك  دمع  تمساح
 
شجاني و ورطت روحي بديه

*ك:عباس النعيماوي*
وحگ الجابل  ال لوحده عساکر 

لل ذل  لو  هبط  راسي  عساکر

زماني الي خذه الطيب عساكار

الغبر و الماملك غيره و حميه

*ك:عباس النعيماوي*
روحي امنل قهر و ظیم  یاریت

او شبه شلال دم العين  ياريت

علي يرجع شبابي  يوم  ياريت

و عيش المضا لولحظه هنيه

*ك:عباس النعيماوي*
دليلي  امنل  وكت  صایر  ويعبي

وجواني اهموم ضل ينفض ويعبّي

انه  ابيض گلب عندي  وي عابي

ابكلمن سوده نياته او رديه

*ك:عباس النعيماوي*
الهوا   لوچان  بي ذله   متهوا

روحي ويم خصم ابدا ً متهوا

تراهو السامني و حرّج متهوا

ابعیني او ماحیه حد المنیه

*ك:عباس النعيماوي*
لجلك  اوگف  ابحیهم  وداعی

او ماعوفك لون یوصل وداعی

ابتوالی الّیل راح اصرخ وداعی

عله کلمن خذاك او شل ادیه

*ك:عباس النعیماوی*
علل  عافوك  ها  یا  گلب شتوین

نسوك وصار الك مطعون شتوین

ابجفاهم مادریت  الفکر  شتوین 
 
اشمرید انسه یعیل اللیل بیّه

*ك:عباس النعیماوی*
دمع  اجفاك  شبه الغیث  چنّه

نزل ولجرح وسط الگلب چنّه

روح  ابـ روح انه  اویاك  چنّه

اشلفاك او گمت تتغیض علیه

*ك:عباس النعیماوی*
صبر اطحن و ادگ بیدی ونکله

من  ظیم العلي  حیّنــه ون کله

اصیرن موس انه ابحلگه ونکله

الراد ایبیع بارد ظن علیه

*ك:عباس النعیماوی*
اشکثر  دنیای  الیّه اهموم طبعت

 اغرگت ما فزع واحد الي طبعت

 بعض الــــربع   بل کلفات طبعت

  و شفت واحد یرد الصاع میه

*ك:عباس النعیماوی*