اخوانی اِهمه دوا العلتی ومرهم
واحب کلیوم احاچیهم ومرهم
یِهِمهُم امری کالسابق ومرهم
یهمنی وما اریدلهم اذیه
✍🏻...... *التمیمی*
حبیب الشیخ مذکوربراجعه
اخوانی دوم اَقَدّرهم وجلهم
وبعدهم راحت افراحی وجلهم
الگلب لو یوم ماحسهم وجلهم
الروح ابدونهم حتف المنیه
✍🏻..... *التمیمی*
حبیب الشیخ مذکوربراجعه
وحگ مِن ابعصاته موسه طربی
ترا گلبی غیابک موسه طربی
حنینی اعلیک صدگ موسه طربی
دفاتر لو ارید اکتبها میه
✍🏻...... *التمیمی*
حبیب الشیخ مذکوربراجعه
▪️▪️▪️▪️▪️▪️▪️▪️
چَبحَک یاصبح میشوم واخبارک
بعد گشره
تاخذ بل شباب اشبیک موواحد
خَذِت عشره
کل یعرب تنوح الیوم و اخبار الحزن نشره
وادروم اویاکم حزنانه
✍🏻...... *التمیمی*
حبیب الشیخ مذکوربراجعه
جهاد وغبشه رایح عود لو صار
العصریرجع
مایدری الورا مضموم و اخبار
الحَدَث تفجع
یاوسفه والف یاحیف موت اهلی
العرب یوجع
موسهله ونگدر ننساها
✍🏻...... *التمیمی*
حبیب الشیخ مذکوربراجعه
اِبحَد باشه السلف حزنان وادموع
المقل تجری
راحو عشره هذا الیوم شبان الصبح بدری
وحگ حسین والعباس عَبره و
واگفه ابصدری
کل دارم حزنانه الباشه
✍🏻...... *التمیمی*
حبیب الشیخ مذکوربراجعه
ابحد اهلی العرب یاحیف نیبه
و موش کل نیبه
راحو شنهی من شبان کل واحد
اسد هیبه
یهلی الزین من ایموت ماننسه ابد
طیبه
والراحو کلهم وَهّامه
✍🏻.... *التمیمی*
حبیب الشیخ مذکوربراجعه